Employment Portal Menu > Landing Page | Our Benefits | How to Apply | Training | Career Opportunities
ᑐᖕᖓᓱᒋᑦ ᐊᑦᔨᐅᖏᑦᑐᒧᑦ ᒪᑭᕝᕕᑯᑦ ᖃᕆᑕᐅᔭᒃᑯᑦ ᑕᑯᑦᓴᐅᕕᖃᕐᕕᖓᓄᑦ. ᑕᒪᓐᓇ ᑌᓯᒪᔭᕗᑦ ‘’ᒪᑭᕝᕕᐅᑉ ᐱᓇᓱᒐᕐᓂᒃ ᓯᓚᕐᔪᐊᒐᓴᕐᔪᐊᕕᖃᕐᕕᖓᓄᑦ’’, ᐊᒻᒪᓗ ᓯᓚᕐᔪᐊᒐᓴᕐᔪᐊᑎᑐᑦ, ᐅᕙᒍᑦᑕᐅᖅ ᐊᖏᓕᕙᓪᓕᐊᒥᔪᒍᑦ.
ᐃᑎᕆᐊᓚᐅᖕᖏᓂᑦᑎᓂᒃ ᐊᑦᔨᒌᖕᖏᑐᓄᑦ ᓯᓚᕐᔪᐊᒐᓴᕐᔪᐊᖃᕐᕕᑎᓐᓄᑦ, ᐱᓇᓱᒐᑦᓴᓂᒃ ᕿᒥᕐᕈᒋᐊᕐᑐᓯᒪᒍᕕᑦ ᑖᓐᓇ ᐱᑐᕝᕕᒃ ᑌᑯᖓᐅᑦᔨᒍᓐᓇᑐᖅ
ᐅᓂᒃᑳᑐᐊᕆᔭᕗᑦ: ᐹᒍᑎᖃᕐᓂᖅ ᐃᓄᐃᑦ ᐱᔪᓐᓇᐅᑎᖏᓐᓂᒃ
ᒪᑭᕝᕕᑯᑦ ᐱᒋᐊᕐᕕᕕᓂᖓ ᐱᒋᐊᕐᓂᖃᕐᓯᒪᕗᖅ 1970 ᐱᒋᐊᕐᓂᖏᓐᓂᒃ, ᑲᑐᑦᔨᖃᑎᒌᑦᑐᑦ ᐃᓄᐃᑦ ᐅᕕᒐᕐᑑᕉᑕᕆᑦᓱᑎᑦ ᓯᕗᓕᕐᑎᖏᑦ ᓄᐃᑦᓯᓚᐅᕐᑐᕕᓃᑦ ᑯᐯᒃ ᑕᕐᕋᖓᑕ ᐃᓄᐃᑦ ᑲᑐᑦᔨᖃᑎᒌᖓᓂᒃ (NQIA) ᐹᒍᑎᖃᕐᓱᑎᑦ ᐊᑭᕋᕐᑐᓱᑎᑦ ᑯᐯᒃᑯᑦ ᓯᒥᑦᑐᐃᔨᖏᓐᓂᒃ ᔦᒥᓯ ᐯ ᐱᓇᓱᐊᕐᑕᐅᒍᑎᖓᓂᒃ. ᐃᕐᖃᑐᐃᕕᓕᐊᒍᑦᔨᓱᑎᑦ - ᓵᓚᓕᕕᓃᑦ - ᑯᐯᒃᑯᓂ ᑲᓇᑕᒥᓗ ᐊᖏᖃᑎᒌᒐᓱᐊᕐᑎᓯᓚᕿᑦᓱᑎᑦ ᐊᖏᖃᑎᒌᒍᑎᒥᒃ. ᑕᒪᓐᓇ ᓭᓂᕈᓐᓇᓯᑎᑦᓯᓚᕿᔪᕕᓂᖅ ᔦᒥᓯ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᒍᑎᖓᓂᒃ (JBNQA) ᓅᕕᒻᐱᕆ 11, 1975-ᖑᑎᓪᓗᒍ.
ᑭᓯᐊᓂ ᐊᖏᖃᑎᒌᒍᑎᒃ ᓭᓂᕐᑕᕕᓂᖅ ᐅᖁᒣᑦᓴᓇᕐᑐᔪᐊᕐᑰᓱᑎᑦ. ᓯᕗᓕᕐᑎᕗᑦ ᓵᖕᖓᓯᔪᕕᓃᑦ ᐱᕐᖃᔭᕐᓇᖏᑦᑐᒥᒃ ᑐᑭᑖᕆᐊᖃᕐᓂᒥᒃ: ᐊᖏᕐᓗᒋᑦ ᓄᓇᖃᑎᒋᖕᖏᑕᑦᑕ ᐱᖁᔭᖏᑦ ᐅᓚᐱᑦᓯᓂᑯᐃᑦ ᐃᓄᐃᑦ ᓄᓇᖓᓂ ᐃᓕᕐᖁᓯᖓᓂᓪᓗ ᓱᓇᓕᒫᒥᓂᒃ ᐊᓯᐅᔨᑦᓴᕈᐊᕋᒥᑦ. ᐊᖏᖃᑎᒌᒍᑎᕕᓂᖅ ᐊᓯᑦᔩᓚᐅᔪᔪᖅ ᐃᓅᓯᑦᑎᓂᒃ ᐃᓱᖃᖕᖏᑐᒧᑦ.
ᒪᑭᕝᕕᒃ: ᐱᕈᐃᓂᖅ ᐁᑦᑑᓯᐊᕕᓂᕐᓂᒃ ᑮᓇᐅᔭᓂᒃ
ᓭᓂᕐᑕᐅᓂᕕᓂᖓ ᐊᖏᖃᑎᒌᓐᓂᐅᑉ ᐊᐅᓚᑦᔦᒋᐊᓯᓐᓂᕆᕗᖅ ᓄᐃᑕᐅᓂᖓᓄᑦ ᒪᑭᕝᕕᒃ ᐊᓯᖏᓪᓗ ᓄᓇᓕᓕᒫᑦ ᑎᒥᖁᑎᖏᑦ ᐊᔪᐃᓐᓇᓂᖃᕐᐸᑐᑦ ᓴᐳᑦᔨᓂᕐᒥᒃ ᐃᓄᐃᑦ ᐱᔪᓐᓇᐅᑎᖏᓐᓂᒃ ᐊᒻᒪᓗ ᐱᓇᓱᐊᕐᓂᒥᒃ ᓱᓕᔪᒥᒃ ᓇᒻᒥᓂᖅ-ᑐᑭᑖᕈᓐᓇᓯᓂᕐᒥᒃ. ᑐᕌᒐᕆᔭᕗᑦ ᓇᓗᓇᖕᖏᑐᖅ: ᐅᑎᕐᑎᓯᒋᐊᕐᓂᖅ ᓄᓇᒥ ᑰᓐᓂᓗ ᑎᒍᔭᐅᔪᕕᓂᕐᓂᒃ ᐅᕙᑦᑎᓂᒃ, ᐊᒻᒪᓗ ᑐᑭᑖᕆᒍᓐᓇᓯᓂᕐᒥᒃ ᓄᓇᕕᐅᑉ ᓯᕗᓂᖓᓂᒃ ᐃᓱᒪᕐᓱᒍᑎᒋᓗᒋᑦ. ᖃᐅᑕᒫᑦ ᐱᓇᓱᐊᖃᑦᑕᑐᒍᑦ ᐱᕕᑦᓴᖃᕐᑎᑕᐅᑦᓯᐊᖁᓗᒋᑦ ᐃᓄᐃᑦ ᐱᐅᓯᑐᖃᖏᑦ, ᐃᓪᓕᕆᔭᖏᑦ, ᐊᒻᒪᓗ ᐊᖓᔪᕐᖃᐅᕕᒋᒍᓐᓇᑕᖏᑦ ᑎᒍᒥᐊᕐᑕᐅᓯᐊᖏᓐᓇᓂᐊᕐᒪᑕ ᓄᓇᖁᑎᑦᑎᓂᒃ.
ᑐᑭᓯᒋᐊᓪᓛᕈᒪᕖᑦ ᑕᒪᑦᓱᐅᑉ ᖃᓄᐃᓕᖓᐅᓯᕆᓯᒪᔭᖏᓐᓂᒃ? ᑕᑯᓐᓇᕈᓐᓇᑕᑎᑦ ᓇᐸᒍᓐᓇᖁᓪᓗᓯ: ᓇᐸᒍᓐᓇᖁᓪᓗᓯ
ᓇᕙᕋᓇ ᑲᓓᔅᑦ ᐃᓅᓕᕐᑐᕕᓂᖅ ᐱᕈᕐᓴᓱᓂᓗ ᑰᑦᔪᐊᒥ. ᒪᑭᕝᕕᑯᓄᑦ ᐱᓇᓱᑦᑎᕈᕐᓯᒪᔪᖅ 2017ᒥ ᐅᖓᕙᒥ ᐃᕐᖃᑐᐃᕕᐊᐲᑦ ᑲᑎᖕᖓᔨᖏᓐᓂᑦ ᐊᑕᐅᑦᓯᑯᓕᕐᑎᓯᔨᐅᑦᓱᓂ. ᐱᓇᓱᑦᓯᒪᔭᔭᖏᑦ ᐅᑯᐊ ᐱᓇᓱᓚᐅᕐᑐᓱᓂ ᓴᕿᔪᖅ, ᕋᒃᓚᓐ ᐅᔭᕋᕐᓂᐊᕕᒃ ᐊᒻᒪᓗ ᑫᐁᒃᑯᓂ ᐅᑎᓚᐅᕋᓂ ᒪᑭᕝᕕᑯᓄᑦ 2020ᒥ ᐃᕐᖃᑐᐃᕕᑎᒍᕐᑐᓕᕆᓂᕐᒥᒃ ᐱᒋᐊᕐᑎᑕᐅᒪᔪᒥᒃ ᐊᑕᐅᑦᓯᑯᓕᑎᓯᔨᐅᑦᓱᓂ.
ᐱᒍᑦᔨᕕᖓᓂ ᐃᑲᔪᕐᓯᔪᐃᑦ ᐃᓄᓐᓂᑦ ᐊᑦᔨᒌᖕᖏᑐᓂᑦ ᓱᑯᑦᓯᐊᓃᓐᓂᖏᓐᓂᑦ ᐃᕐᖃᑐᐃᕕᑎᒍᕐᑐᓂᑦ. “ᐃᓄᐃᑦ ᓇᒻᒥᓂᖅ ᐱᖁᔭᖃᖃᑦᑕᓯᒪᒻᒪᑕ ᑌᒪᖕᖓᓂᐊᓗᒃ. ᐃᓄᐃᑦ ᐱᖁᔭᖏᓐᓂᑦ ᐅᓂᒃᑲᐅᓯᖃᕐᖁᑦ ᐊᑑᑎᖃᑦᑕᓯᒪᔪᓂᑦ.”
ᐊᒥᓲᓪᓗᐊᖏᑦᑐᓄᑦ ᐃᓄᓐᓄᑦ ᐃᓚᒋᔭᐅᔪᖅ ᒪᑭᕝᕕᑯᑦ ᐱᓇᓱᑦᑎᖏᓐᓄᑦ ᐃᓕᓐᓂᐊᓱᓂ ᐃᓕᓐᓂᐊᕕᕐᔪᐊᖅ ᒥᑭᐊᓪ ᐃᓕᓐᓂᐊᑎᑦᓯᒍᑎᖏᓐᓂᑦ - ᓇᐅᓕᒫᓄᓕᖓᔪᓂᑦ ᐊᐅᓚᑦᓯᔨᐅᓂᕐᒥᒃ ᐊᒻᒪᓗ ᐊᐅᓚᑦᓯᒍᓯᕐᒥᒃ - ᐃᓕᑕᕆᔭᐅᒍᑎᑖᕈᑎᐅᓂᐊᕐᑐᒥᒃ.
ᑐᑭᒧᐊᑦᑎᓯᕈᕐᓯᒪᔪᖅ ᐃᕐᖃᑐᐃᕕᑎᒍᕐᑐᓕᕆᓂᕐᒥᒃ ᐱᒍᑦᔨᕕᖓᓂ 2021ᖑᑎᓪᓗᒍ. ᐱᓇᓱᓐᓇᒥ ᐅᓪᓗᖁᑎᖓᓂ, ᓇᕙᕋᓇ ᐅᖃᕐᑐᖅ, “ᓱᒐᑦᓭᓂᐊᕐᓇᖏᑦᑐᖅ, ᐅᖃᐅᑎᒍᓐᓇᖃᒋᑦ ᑌᒫᒃ. ᖃᐅᔨᒪᖕᖏᓚᖓ ᓱᓇᒨᓕᖓᔪᓂᑦ ᐊᓪᓚᕕᐅᓂᐊᕐᒪᖔᕐᒪ ᖃᕆᑕᐅᔭᑎᒍᑦ ᐅᖄᓚᕕᐅᓗᖓᓗᓐᓃᑦ. ᐅᓪᓗᖁᑎᒐᓂ ᐱᓇᓱᑦᓱᖓ ᑲᑎᖕᖓᓂᕐᓃᓲᖑᕗᖓ ᑭᖑᓕᕇᑦᓂᑦ.”
“ᐃᓄᐃᑦ ᐱᔭᕇᕈᓐᓇᓯᐊᕐᑐᑦ ᐱᒍᓐᓇᓂᖃᕐᓱᑎᓗ ᓱᓇᑐᐃᓐᓇᓂᑦ ᓱᓇᓕᒫᓂᓗ ᐃᓱᒪᒋᓕᑐᐊᕈᓂᐅᒃ,” ᐅᖃᕐᑐᖅ.
ᓯᕗᓕᕆᔦᑦ ᒪᑭᕝᕕᑯᓪᓗ
ᓱᒐᓱᐊᒐᑦᓴᓕᐹᓘᖏᓐᓇᑐᖅ, ᐊᒻᒪᓗ ᐱᔪᒪᓂᖃᑦᓯᐊᑐᓂᒃ ᑭᖕᖒᒪᑦᓯᔪᒍᑦ ᐃᓄᓐᓂᒃ ᐃᓕᑦᓯᓂᒃ ᐅᕙᑦᑎᓄᑦ ᐃᓚᐅᒐᔭᕐᑐᓂᒃ.
ᐃᓕᓐᓂᐊᕕᒻᒥ ᐱᔭᕇᒍᑎᖃᕆᐊᑐᖕᖏᑐᑎᑦ ᐊᓯᑦᔩᓂᖃᖃᑕᐅᒍᒪᑐᐊᕈᕕᑦ - ᐊᒥᓱᐃᑦ ᐅᕙᑎᓂᒃ ᑐᖕᖓᕕᓕᐅᓚᐅᕐᑐᑦ ᐃᓕᓐᓂᐊᓯᒪᖕᖏᒥᔪᑦ, ᑭᓯᐊᓂ ᐱᒋᐊᕐᑎᓯᓯᒪᔪᑎ ᐊᖏᔪᐊᒻᒪᕆᒻᒥᒃ. ᒪᑭᕝᕕᑯᓐᓂ, ᐃᓕᓐᓂᐊᕈᓐᓇᑐᑎᑦ ᐱᓇᓱᖏᓐᓇᓗᑎᑦ, ᐱᒋᐅᕐᓴᔭᐅᓗᑎᑦ, ᐊᒻᒪᓗ ᐱᒍᓐᓇᕋᔭᕐᒥᔪᑎᑦ ᐃᓕᓐᓂᐊᓯᒪᓂᕐᒧᑦ ᐃᓕᑕᕆᔭᐅᒍᑎᓂᒃ.
ᒥᑭᔪᒥᒃ ᐱᒋᐊᓚᐅᑲᓪᓗᑎᑦ. ᐊᖏᓕᒍᓐᓇᑐᖅ. ᐃᑎᒐᐃᑦ ᐅᒃᑯᐊᒨᕐᓗᒍ ᐅᐱᕐᖔᑯᑦ ᐱᓇᓱᒐᕐᑖᓗᑎᑦ - ᐱᓚᕿᒍᓐᓇᑐᑎᑦ ᐊᖏᓂᕐᓴᒪᕆᒻᒥᑦ.