ᐃᑉᐱᒋᑦᓯᐊᓱᒍ ᑐᓴᕐᑕᐅᑎᑦᓯᒍᑎᖃᓂᐅᓚᐅᔪᕗᖅ ᓅᕕᒻᐱᕆ 2024-ᖑᑎᓪᓗᒍ, ᑌᑦᓱᒪᓂ
ᑯᐯᒃ ᐃᕐᖃᑐᐃᕕᖓᑦ ᑐᓴᕐᑕᐅᑎᑦᓯᒍᑎᖃᕐᑎᓗᒍ ᐱᔪᓐᓇᕈᑎᒋᓂᐊᕐᑕᖏᓐᓂᒃ ᐃᓚᐅᔪᖁᑎᒥ ᓄᓇᖃᕐᖃᓯᒪᔪᑎᒍᑦ ᐃᓄᑐᐃᓐᓇᐅᔪᓪᓗ ᓄᓇᓕᖏᑎᒍ ᐊᑐᖃᑦᑕᖁᓕᕐᓱᒋᑦ ᕿᓐᓄᐊᔪᐊᑉ
ᓱᓗᖓᓂᒃ ᐅᖃᒻᒪᕆᐅᑎᒥᓂᒃ ᓱᓕᓂᕋᕈᑎᖃᓯᒍᑎᒃ ᓱᓕᓂᐊᕐᓂᕋᕈᑎᖃᓯᒍᑎᒃᓗ ᐃᕐᖃᑐᐃᕕᓐᓂ ᐱᓇᓱᑦᑕᐅᔪᖃᓕᕐᐸᑦ ᐊᑐᕐᑕᐅᕙᓐᓂᐊᓕᕐᑎᓗᒍ.
2019-ᖑᑎᓪᓗᒍ, ᓂᕐᑐᓇᕐᑐᖁᑕᐅᔪᖅ ᕿᓐᓄ ᐊᔪ ᐊᑉ ᓱᓗᖓ ᐃᓕᑕᕆᔭᐅᓂᑕᓚᐅᔪᕗᖅ ᓱᓕᒻᒪᕆᓐᓂᒥᒃ ᐅᖃᐅᓯᖃᓚᖓᔪᑦ ᐃᕐᖃᑐᕕᓐᓂ ᒫᓂᑑᐸᒥ ᐊᑐᖃᑦᑕᓚᖓᓕᕐᑎᓗᒋᑦ. ᑌᒪ ᐊᓱᐃᓛ, 2020-ᖑᓕᕐᑎᓗᒍ, ᐃᕐᖃᑐᐃᕕᕐᔪ ᐊᖅ Prince Edward Island-ᒦᑦᑐᖅ ᑲᔪᓯᑎᑦᓯᒍᑎᖃᓯᓚᐅᔪᒋᕗᖅ “ᕿᓐᓄ ᐊᔪ ᐊᑉ ᓱᓗᖓᑕ ᐱᕙᓪᓕ ᐊᑎᑦᓯᒍᑎᐅᓂᖓᓂᒃ,” ᐱᒍᓐᓇᓯᑎᑦᓯᒍᑎᒋᓯᑦᓱᒍ ᐃᓄᒃ ᐅᖃᒻᒪᕆᓐᓂᒥᒃ ᐊᑐᑎᓯᔪᖅ ᐊᑐᕈᓐᓇᓂ ᐊᓕᕐᑎᓗᒍ ᕿᓐᓄ ᐊᔪ ᐊᑉ ᓱᓗᖓᓂᒃ ᑌᒫᑦᓭᓇᖅ ᑯᑎᐅᑉ ᐅᖃᐅᓯᖏᓐᓂᒃ ᐸᑎᒻᒥᓱᑎᒃ ᓱᓕᒻᒪᕆᓐᓂᒥᒃ ᐅᖃᓱᖑᒻᒪᑕ. ᕿᓐᓄ ᐊᔪ ᐊᑉ ᓱᓗᖓᓂᒃ ᐊᑐᖓᕈᒪᔪᑦ ᐅᖃᒻᒪᕆᓐᓂᖃᓕᕈᑎᒃ ᑎᒍᒥ ᐊᕐᓗᒍ ᐅᖃᒻᒪᕆᓐᓂᒥᓂᒃ ᓱᓕᑦᓯ ᐊᓂᕋᐅᑎᒥᓂᒃ ᐅᖄᒍᓐᓇᑐᑦ ᐅᕝᕙᓘᓐᓃᑦ ᐅᖃᐅᓯᐅᓯᒪᔪᓄᑦ ᓱᓕᓂᕋᕐᓗᓂ, ᐊᒃᓚᓯᒪᔪᓂᒃᓗ ᓱᓕᓂᕃᓗᓂ, ᐅᕝᕙᓘᓐᓃᑦ ᐊᒃᓚᓯᒪᔪᑎᒍᑦ ᓱᓕᓂᕃᒍᑎᓕᐅᕐᓗᓂ ᐊᑐᓂᑦ ᐃᕐᖃᑐᐃᕖᑦ ᐃᕐᖃᑐᐃᕖᑦ Prince Edward Island-ᒦᑦᑐᑦ ᑐᓴᐅᒪᔭᐅᒍᑎᖃᕐᐳᑦ ᕿᓐᓄ ᐊᔪ ᐊᑉ ᓱᓗᖓᓂᒃ ᐱᑕᓖᓐᓇᐅᒋ ᐊᖏᑦ ᐃᕐᖃᑐᐃᔪᖃᓕᕐᐸᑦ ᐊᑐᐃᓐᓇᕆᔭᐅᔪᓂᒃ. 2022 ᐊᕐᕌᒍᖓᓂ, ᐃᕐᖃᑐᐃᔨ ᒥᔅᓯᐋᓪ ᐅ’ᐹᓐᓴᒍᐃᓐ ᐅᖃᒻᒪᕆᓐᓂᖃᓕᕋᒥ ᐊᒃᓚᕕᒻᒥ ᐃᕐᖃᑐᐃᔨᖕᖑᑎᑕᐅᓂᖃᕐᓱᓂ ᑲᓇᑕᐅᑉ ᐃᕐᖃᑐᐃᕕᕐᔪ ᐊᖓᓂ ᐅᖃᒻᒪᕆᓐᓂᖃᓚᐅᔪᕗᖅ ᕿᓐᓄ ᐊᔪ ᐊᑉ ᓱᓗᖓᓂᒃ ᑎᒍᒥ ᐊᕐᓱᓂ.
ᑕᑉᐱᑯ ᐊ ᑭᖑᓂᖓᒍᑦ, ᑖᒃᑯ ᐊ ᖃᒻᒥᑯᑦ ᐅᖃᐅᓯᐅᕐᖃᒥᓚᐅᕐᑎᓗᒋᑦ ᐃᕐᖃᑐᐃᔩᑦ ᐊᖓᔪᕐᖄᒪᕆᖓᓄᑦ ᑯᐯᒃ ᓄᓇᓕᕐᓚᖓᑕ ᐃᕐᖃᑐᐃᕕᖏᓐᓂ, ᐃᕐᖃᑐᐃᔨᖁᑎᖏᑦ, ᐃᕐᖃᑐᐃᔨᓂᒃ ᐃᓇᖏᕐᑌᔩᑦ ᐃᕐᖃᑐᐃᕕᓕᕆᔩᓪᓗ ᑫᓪᓚᑐᕐᑕᐅᕗᑦ ᐊᖏᖃᑦᑕᖁᔭᐅᑦᓱᑎᒃ ᕿᐱᓗ ᐊᒍᓐᓀᓗᑎᒃ ᕿᓐᓄ ᐊᔪ ᐊᑉ ᓱᓗᖓᓂ ᐊᑐᕈᒪᔪᖃᕐᐸᑦ ᐅᖃᒻᒪᕆᓐᓂᖃᕐᓂᓂ ᐅᓐᓂᓯᐅᕐᓂᖃᕐᓂᓂᓗ ᐱᓂ ᐊᕐᓂᐅᓗᑎᒃ ᓄᓇᖃᕐᖄᓯᒪᔪᓄᓪᓗ ᐃᓄᑐᐃᓐᓇᓄᓪᓗ. ᑖᒃᑯ ᐊ ᐊᑑᑎᔭᐅᖃᑦᑕᖁᔭᐅᓕᕐᑐᑦ ᐃᓚᒋᔭᐅᕗᑦ ᐊᕗᖓᐅᓕᖓᓂᕐᓴᓂᒃ ᐱᔭᖃᕋᓱᑦᑐᓄᑦ ᑐᕌᕐᓱᑎᒃ ᐋᕐᕿᖃᑎᒌᓐᓂᓴᓄᑦ.
ᐋᙯᓪᓛᓕ, ᐊᕐᕌᒍᑦ 50 ᐊᓂᒍᕐᐸᓕ ᐊᑎᓪᓗᒋᑦ ᐊᑦᔨᒌᖕᖏᑐᑦ ᖃᐅᔨᓴᕐᓃᑦ ᓇᓗᓀᕆᓯᒪᓕᕐᐳᑦ ᑭᖕᖒᒪᓇᕆ ᐊᖓ ᐱᕙᓪᓕ ᐊᑎᑦᓯᒍᑎᑦᓴᖅ ᐊᑦᔨᖃᖕᖏᑐᒥᒃ ᐋᕐᕿᒍᑎᑦᓴᐅᓗᓂ ᐋᕐᕿᖃᑎᒋᓗᒋᑦ ᓄᓇᖃᕐᖄᓯᒪᔪᓪᓗ ᐃᓄᑐᐃᓐᓀᓗ, ᐱᓗ ᐊᕐᑐᒥ ᐱᓇᓱᒐᖃᕐᕕᐅᔪᑦ ᐱᔮᕆᓂᖃᓱᖑᓂᖏᑦ ᓴᕐᕿᑎᑕᐅᓚᐅᔪᑎᓪᓗᒋᓂᑦ ᕕᐋᓐ ᑐᑭᓯᓂ ᐊᕐᓂᖏᓐᓄᑦ. ᐅᖃᒻᒪᕆᓐᓂᖃᓚᐅᔪᑎᓪᓗᒍᓂᑦ ᐊᑐᑎᔭᖃᕆ-ᐊᖃᓕᕐᓂᒥᒃ ᐋᕐᕿᖃᑎᒌᒍᑎᑦᓴᓂᒃ, ᓱᓕᓕᕐᑎᓯᓂᕐᒥᓗ ᐋᕐᕿᖃᑎᒌᓐᓂᒥᓪᓗ ᐱᓇᓱᑦᓯᒪᔪᑦ ᑲᓇᑕᒥ (2008-2015) ᐊᑑᑎᔭᐅᖁᓯᒪᔭᖏᑦ ᓱᕐᖁᐃᑐᒥᒃ ᓄᓇᓕᑐᙯᑦ ᐃᓗᕐᖁᓯᖏᑕ ᐱᐅᓕ ᐊᕐᑕᐅᒋ ᐊᖃᕐᓂᖏᑦ ᓄᓇᓕᑐᖃᕐᓂᓗ ᓇᓗᓀᕆᓯᒪᑦᓯ ᐊᖃᑦᑕᑐᑦᓴᐅᓂᖏᑦ ᐃᓄᓕᒫᓄᓕᖓᔪᑦ ᐱᓇᓱᒐᖃᕐᕖᑦ, ᐃᓚᐅᑎᓪᓗᒋᑦ ᐃᓚᐅᓕᕐᑎᓯᓂᐅᒋ ᐊᓖᑦ ᓄᓇᓕᑐᙯᑦ ᐱᐅᒃᑯᑎᑐᖃᖏᓐᓂᓗ ᐱᓂ ᐊᕐᓂᖃᕈᑎᖏᓐᓂᓗ—ᐱᓗ ᐊᕐᑐᒥ ᐃᕐᖃᑐᐃᕕᓕᕆᓂᑎᒍᑦ ᐱᓇᓱᒍᑎᐅᕙᑦᑐᓂ.
ᑭᐅᑦᔪᑎᒋᑦᓱᒋᑦ, ᑲᓇᑕᐅᑉ ᐃᕐᖃᑐᐃᕕᓕᕆᓂᕐᓂᒃ ᐱᓇᓱᒍᑎᖏᑦ ᐊᑐᕐᓂᓴᐅᒋ-ᐊᕐᓯᒪᕙᓕᕐᖁᑦ ᐃᓗᕐᖁᓯᒃᑰᓂᕐᓴᓂᒃ ᐱᓇᓱᒍᑎᓂᒃ ᐃᓕᖓᑦᓱᑎᒃ ᓄᓇᓕᑐᖃᕐᓄᑦ ᐃᓅᖃᑎᒌᓄᑦ ᐊᑐᕐᓂᓴᕆᓕᕐᓱᓂᒋᑦ ᐱᓇᓱᒍᑎᒥᒍ. ᑖᒃᑯᑎᒎᓇ ᑕᒃᒐ ᕿᓐᓄ ᐊᔪ ᐊᑉ ᓱᓗᖓ ᐊᑐᕐᑕᐅᓕᕋᔭᕐᐳᖅ ᐅᖃᒻᒪᕆᓐᓂᖃᓕᕐᑐᓄᑦ ᐅᕝᕙᓘᓐᓃᑦ ᐅᓐᓂᓯᐅᕈᑎᓕᓐᓄᑦ, ᐊᑐᕐᑕᐅᓂᖃᕐᓗᓂ ”ᓇᓗᓀᕆᒍᑎᐅᓗᓂ ᐃᓚᐅᓕᕐᑎᓯᓂᐅᓗᓂᓗ ᓄᓇᓕᑐᙯᓪᓗ ᐃᓄᑐᐃᓐᓀᓗ ᐃᓗᕐᖁᓯᖏᓐᓂᒃ ᐅᓪᓗᒥᐅᓕᕐᑐᖅ ᐃᕐᖃᑐᐃᕕᑎᒍᑦ ᐱᓇᓱᒍᑎᓄᑦ ᖁᕝᕙᑎᕆᒍᑎᒋᓗᒍᓗ ᓲᓱᒋᔭᐅᓂᑦᓴᖏᓐᓂᒃ ᓄᓇᓕᑐᙯᑦ ᐃᓗᕐᖁᓯᖏᑕ”
ᐊᒥᓱᓂ ᓄᓇᓕᕐᓚᐅᔪᓂ ᓄᓇᖁᑕᐅᔪᓂᓗ, ᓄᓇᓕᑐᖃᐅᔪᑦ ᐃᕐᖃᑐᐃᕕᒻᒥ ᐃᕐᖃᑐᕐᑕᐅᔪᑦ —ᐸᓯᔭᑦᓴᐅᒍᑎᓪᓗᓃᑦ, ᑕᑯᓐᓇᑎᕕᓂᐅᒍᑎᓪᓗᓃᑦ ᐅᕝᕙᓘᓐᓃᑦ ᐱᓂᕐᓗᑕᐅᒪᒍᑎᒃ—ᐱᔪᓐᓇᐅᑎᖃᕐᑐᑐᖃᐅᓕᕐᐳᑦ ᐅᖃᒻᒪᕆᒍᓐᓇᓂᕐᒥᒃ ᑎᒍᒥ-ᐊᕐᓗᑎᒃ ᕿᓐᓄ ᐊᔪ ᐊᑉ ᓱᓗᖓᓂᒃ ᐊᑐᑎᖓᖕᖏᑑᓗᑎᒃ ᑯᑎᐅᑉ ᐅᖃᐅᓯᖏᓐᓂᒃ ᐸᑎᒻᒥᔭᖃᕐᓂᒥᒃ. ᐊᓯᖓ ᐃᒣᒍᓐᓇᓂᕃᒍᑎᐅᒻᒥᔪᖅ, ᐅᖃᕐᓯᒪᔭᖏᑎᒍᑦ ᐅᑯᐊ Society of Advocates/ᐃᑲᔪᕐᓯᒪᔨᐅᓂᕐᒥᒃ ᐃᓅᖃᑎᒌᓐᓂᓖᑦ, Indigenous Bar Association/ᓄᓇᓕᑐᙯᑦ ᐱᖁᔭᓕᕆᓂᕐᓄᑦ ᑲᑐᑦᔨᖃᑎᒌᓐᓂᖓᑦ, Law Society of Ontario-ᑯᓗ, ᑌᒪᖕᖓᑦ 2018-ᖑᓕᓚᐅᔪᒻᒪᓂᓂᑦ ᓄᓇᓕᑐᙯᑦ ᐊᑕᓐᓂᐅᕈᓐᓇᖃᑦᑕᓯᒪᓕᕐᓂᖓᑦ ᕿᓐᓄ ᐊᔪ ᐊᑉ ᓱᓗᖓᓂᒃ ᐃᕐᖃᑐᐃᕕᒻᒥ ᓴᕐᕿᔮᕐᑎᑕᐅᖃᑦᑕᖁᔨᑦᓱᑎᒃ ᐃᓄᓐᓂᒃ ᐃᑲᔪᓯᒪᖃᑦᑕᓂ-ᐊᕐᑎᓗᒍ ᓴᐱᖕᖏᑐᓂᖏᑎᒍᓪᓗ ᓱᓕᔪᓂᓪᓗ ᐅᖃᐅᓯᖃᕐᑐᓴᐅᓂᖏᑎᒍᑦ. ᐊᑦᔨᒐᓚᒋᑦᓱᒍᓗᑦᑕᐅᖅ, ᐊᒥᓱᑲᓪᓓᑦ ᑲᓇᑕᐅᑉ ᐳᑭᕐᑕᓕᖏᑕ (RCMP-ᑯᑦ) ᐱᓇᓱᒐᖃᕐᕕᖏᑦ ᑎᒍᒥ ᐊᕐᑎᐅᖃᑕᐅᕙᓕᕐᖁᑦ ᕿᓐᓄ ᐊᔪ ᐊᑦ ᓱᓗᖏᓐᓂᒃ, ᐱᑕᖃᕐᑎᓯᕕᖃᕈᑎᒋᑦᓱᒋᑦ ᐱᓂᕐᓗᕕᐅᒪᔪᓄᑦ, ᑕᑯᓐᓇᑎᐅᓯᒪᔪᓄᑦ, ᐸᓯᔭᑦᓴᖑᕐᓯᒪᔪᓄᑦ ᐳᓖᓯᓄᓪᓗ ᑐᑭᖃᕐᑎᓗᒍ ” ᐊᓃᕐᓂᒨᓕᖓᑦᓱᑎᒃ ᑐᑭᖃᕐᑎᓯᒍᑎᐅᓂᖏᓐᓂᒃ ᐱᖁᔭᑎᒎᕐᑐᓂᒃ ᐅᖃᒻᒪᕆᓐᓂᒥᓂᒃ ᐊᑐᕐᓂ ᐊᑕᖏᓐᓂ ᐅᕝᕙᓘᓐᓃᑦ ᐃᓱᕐᕆᒍᑎᒋᓗᒍ ᑎᒍᒥ ᐊᕐᓂ ᐊᑕᖓᓂ“ (RCMP, 2021).
ᑕᒪᒃᑯ ᐊ ᐃᓘᓐᓇᑎᒃ ᐋᕐᕿᖃᑎᒌᒍᑎᑦᓴᓂᒃ ᐱᕙᓪᓕ ᐊᑎᑦᓯᒍᑎᐅᔪᑦ ᓄᐃᑕᑎᑦᓯᒋᐊᓪᓚᒍᑎᐅᕗᑦ ᓲᓱᒋᔭᐅᓂᖃᑦᓯ ᐊᓗᓂᓗ ᐃᓗᕐᖁᓯᕐᒨᓕᖓᓂᖃᑦᓯ-ᐊᓗᓂᓗ ᐊᑐᕐᑕᐅᓂᑦᓴᖓᓂᒃ ᓲᓱᒋᔭᐅᔪᑦᓴᓯ ᐊᖑᑦᓱᓂ ᕿᓐᓄ ᐊᔪ ᐊᑉ ᓱᓗᖓ. ᑯᐯᒃ ᐃᕐᖃᑐᐃᕕᖓᑕ ᑐᓴᕐᑕᐅᑎᓚᐅᔪᔭᖓᑎᒍᓪᓕ, ᐅᖃᕐᓯᒪᔪᖃᕐᐳᖅ ᐊᑕᖏᓐᓇᓚᖓᒋ ᐊᖓ ᑕᒪᑐᒪ ᐱᔭᑦᓴᖁᑕᐅᓂᖓᑕ ᐃᓄᒻᒨᓕᖓᓂᖓ ᐅᖃᒻᒪᕆᐅᑎᖃᕈᒪᒍᓂ ᓱᓗᒥᒃ ᑐᖕᖓᕕᖃᕐᓗᓂ ᓇᑦᓴᕈᒪᒍᓂᐅᓪᓗ ᐃᕐᖃᑐᕐᑕ ᐅᕕᒋᓚᖓᔭᒥ ᐅᒃᓗᖓᓂ ᐊᑕᓐᓂᐅᓗᓂᓗ ᐱᒍᓐᓇᑎᑕᐅᒍᒪᓗᓂ ᐃᕐᖃᑐᕐᑎᒋᓚᖓᔭᒥᓂᑦ. ᐃᕐᖃᑐᐃᔨ ᐊᖏᖕᖏᑐ ᐊᕐᐸᑦ, ᐊᖏᖕᖏᒍᑎᒥ ᐱᑦᔪᑎᖓᓂᒃ ᑐᑭᓯᔭᐅᑎᑦᓯᓯ ᐊᕆ ᐊᓕᒃ. ᓱᓕᓂ ᐊᕐᓂᕋᕐᓗᓂ ᐅᖃᒻᒪᕆᒍᑎᖏᑦ ᐊᑑᑎᔭᐅᓂᖃᓪᓚᕆᒋ ᐊᓕᒃ ᑭᓯ ᐊᓂ ᓱᓕᑎᑦᓯᓂᕐᒥᓂᒃ ᐅᖃᐅᓯᖃᕐᓂᖏᑦ ᐊᑐᕐᕕᒋᒍᓐᓇᑕᖏᑦ ᕿᓐᓄ ᐊᔪ ᐊᑉ ᓱᓗᖓᓂ ᑲᔪᓯᒍᓐᓇᖁᑦ ᓄᓇᖃᕐᖃᓯᒪᔪᑦ ᐃᓄᑐᐃᓐᓀᓗᓐᓃᑦ ᐊᑐᕈᒪᓂᕋᑐ ᐊᕐᐸᑕ. ᑕᒪᑐᒥᖓ ᐱᓂ ᐊᕐᓂᒥᒃ ᐊᑑᑎᔭᖃᕐᓂᖅ ᒥᑭᓪᓕᑎᕆᓂᐅᖕᖏᓚᖅ ᐊᑐᑎᔭᐅᒋ ᐊᓖᑦ ᒪᓕᒋ ᐊᖃᕐᓂᖏᓐᓂᒃ ᐃᓂᓪᓚᑕ-ᐅᒪᔪᑐᖃᕐᓂᒃ ᒪᓕᒐᕐᓂᒃ ᐊᑐᑎᔭᐅᒋ ᐊᖃᓲᓂ ᐅᖃᒻᒪᕆᓐᓂᖃᕐᑐᖃᓕᕐᒪᑦ, ᐅᐃᒍᑕᖑᓯᒪᑐᐃᓐᓇᒪᑦ ᐱᓂ ᐊᕐᓂᐅᒋ ᐊᖃᓲᓄᑦ ᖃᓄᕐᓘᓂᓪᓗ ᐃᓇᖐᓂᖃᕋᓂ.
ᑌᒪᓖ ᓱᓕ ᓱᓇᐅᕙᑦ ᐅᖃᒻᒪᕆᓐᓂᒨᓕᖓᑦᓱᑎᒃ ᒪᓕᒐᐅᔪᑦ, ᖃᓄᕐᓘ ᒪᓕᒐᕐᓂᒃ ᐊᑑᑎᑦᓯ ᐊᖏᓐᓂᖅ ᓱᕐᕋᑕᐅᓂᖃᕐᓂ ᐊᐸ, ᐱᓂᕐᓗᓂᐅᔪᑦ
ᐊᐅᓚᑕᐅᓂᖏᓐᓂᒃ ᐱᖁᔭᑎᒍᓪᓕ ᐃᕐᖃᑐᐃᕕᑎᒍᓪᓗ ᐱᓇᓱᑦᑕᐅᔪᓂᒃ ᖃᓄᐃᓕᖓᓂᖃᕐᓂ ᐊᐸᑦ?
ᐅᓂᒃᑲᐅᔨᒍᑎᖃᕐᓃᑦ ᐱᒻᒪᕆᐅᖃᑕᐅᕗᑦ ᐃᕐᖃᑐᕐᑕᐅᔪᖃᕐᑎᓗᒍ, ᑌᒣᓘᓕᕐᑎᓗᒋᑦ ᐃᕐᖃᑐᐃᔨ ᑐᑭᑕᕐᓂᖃᓱᖑᒻᒪᑦ ᐅᓂᒃᑲᐅᔨᒍᑎᐅᔪᓪᓗ ᑕᑯᓐᓇᑎᕕᓂᐅᔪᓪᓗ ᐅᖄᔭᖏᑦ ᓱᓕᓂᖃᑦᓯ ᐊᕋᓗ ᐊᕐᒪᖔᑕ, ᐅᖄᔭᖏᑕ ᓴᖑᔭᕋᖕᖏᓂᖏᑦ, ᓱᓪᓕᑕᐅᔪᓪᓗ ᓄᐃᑕᑎᑕᐅᓂᖏᑦ. ᐅᓂᒃᑲᐅᔨᒍᑎᐅᔪᑦ ᐃᕐᖃᑐᐃᔨᒧᑦ ᑭᖑᓪᓕᐹᒥᒃ ᑐᑭᑕᕈᑎᐅᓱᖑᕗᑦ. ᐅᓂᒃᑲᐅᔨᒍᑎᐅᔪᑦ ᐊᑐᑎᑎᑕᐅᓲᖑᔪᑦ ᓱᓕᓂ ᐊᕐᓂᕋᕐᓯᒪᒍᑎᑎᒍᑦ, ᐊᑐᑎᔭᐅᓱᖑᒐᒥᒃ ᐅᖃᒻᒪᕆᒍ-ᑎᑎᒍᑦ. ᑐᖕᖓᕕᒋᑦᓱᒋᑦ ᑯᐯᒃ ᐃᕐᖃᑐᐃᕕᖁᑎᖏᑕ ᒪᓕᒐᖁᑎᖏᑦ, ᐅᖃᒻᒪᕆᓐᓂᓂᒃ ᐱᓂ ᐊᕐᓂᖃᓃᑦ ᐊᑐᑎᑎᑕᐅᓱᖑᕗᑦ ᐃᕐᖃᑐᐃᕕᐅᑉ ᐊᒃᓚᑎᖓᓄᑦ ᐊᑐᑎᔭᐅᑦᓱᑎᒃ ᐃᕐᖃᑐᐃᔨ ᑕᑯᓐᓇᑎᓪᓗᒍ.
ᐅᓂᒃᑲᐅᔨᓚᖓᔪᓪᓗ ᑕᑯᓐᓇᑎᕕᓃᓪᓗ ᐅᖃᒻᒪᕆᑦᑎᑕᐅᓱᖑᕗᑦ ᐅᓂᒃᑲ ᐅᔨᓂᕆᓚᖓᔭᒥ ᓯᕗᓂᖓᓂ, ᑕᒪᓐᓇ ᑐᑭᓕᒃ ᓱᓕᓪᓚᕆᑦᑐᓂᒃ ᐅᓂᒃᑲᐅᔨᒍᑎᖃᕆ ᐊᖃᓚᖓᓂᖓᓂᒃ. ᐅᖄᓕᕈᓂ ᐊᒃᓚᓯᒪᔪᖕᖑᐃᒍᑎᐅᓚᖓᔪᓂᒃ ᐅᖃᒻᒪᕆᓚᐅᕐᓱᓂ ᐅᖄᓕᕈᓂ ᐊᒃᓚᓯᒪᔪᑎᒍᓪᓗᓃᑦ ᐅᖃᒻᒪᕆᓪᓗᓂᒋᑦ ᐅᕝᕙᓘᓐᓃ ᐃᕐᖃᑐᐃᕕᒻᒥ ᐅᖄᓗᓂᒋᑦ, ᐊᑐᑎᔭᖃᕆ ᐊᖃᕐᐳᖅ ᓇᒻᒥᓂᓪᓗᑐᖅ ᑭᓯ ᐊᓂ ᖃᐅᔨᒪᔭᒥᓄᑦ ᐊᑑᑎᖁᓪᓗᒍ ᓱᓕᑦᓯ ᐊᑐᑦᓴᐅᓂᕐᒥᓂᒃ. ᐱᒻᒪᕆᐅᖏᓐᓇᓱᖑᕗᖅ ᓱᓕᔪᓂᒃ ᐅᖄᓂᖅ, ᑖᒃᑯ ᐊ ᒪᓕᒉᑦ ᐊᑑᑎᖃᓪᓚᕆᒻᒪᑕ ᐃᕐᖃᑐᐃᕕᑎᒍᑦ ᐱᓇᓱᒍᑎᐅᑦᓱᑎᒃ. ᐃᓄᒃ ᐅᖃᒻᒪᕆᒍᑎᑎᒍᑦ ᓱᓕᔪᓂᒃ ᐅᖃᕐᓂ ᐊᓂᕋᕐᓱᓂ, ᓱᓕᑎᑦᓯᖏᑐ ᐊᕋᒥ, ᓱᒋ ᐊᕐᑕᐅᒍᑎᑕᕈᓐᓇᒪᑦ ᑕᐸᓀᑦᑐᑲᓪᓚᓂᒃ.
ᑕᒪᓐᓇ ᑐᑭᖃᕐᑎᑕᐅᓲᖅ ᐃᓚᖏᑎᒍᓪᓗ ᐋᕐᕿᓯᒪᓪᓗᑯ ᐊᐱᑦᑐᓂ ᖃᓄᐃᓕᖓᒍ-ᑎᑎᒍᑦ ᑲᓇᑕᐅᑉ ᐱᓂᕐᓗᓂᕐᒧᑦ ᐱᖁᔭᖏᓐᓂ ᑌᔭᐅᒍᓯᖃᕐᓱᓂ ᓲᕐᓗ ᓴᒃᓗᕿᑦᓯᓂᕐᒥᒃ, ᐊᖏᔪᒥᒃ ᐱᓂᕐᓗᕈᑎᐅᔪᖅ ᓱᒋ ᐊᕐᑕᐅᒍᑎᖃᕈᓐᓇᓱᓂ ᐃᓄᒻᒧᑦ ᑕᒪᑐᒥᖓ ᐊᑑᑎᔪᒧᑦ, ᓴᒃᓗᕿᑦᓯᓂᖅ ᐱᖁᔭᑎᒍᑦ ᐅᖃᐅᓯᐅᒻᒪᑦ ᑐᑭᖃᕐᓱᓂ ᐱᓂ ᐊᕐᓂᑕᒥᓄᑦ ᓱᓕᖕᖏᑐᓂᒃ ᐅᖃᐅᓯᖃᕐᓂᕃᒍᑎᐅᓂᕐᒥᒃ, ᓴᒃᓗᕿᑦᓯᓂᕐᒥᒃ, ᐅᕝᕙᓘᓐᓃᑦ ᓱᓕᖕᖏᑐᓂᒃ ᐅᖃᐅᓯᖃᕐᓂᒥᒃ ᓴᖑᑎᕆᒍᑎᒋᒐᓱᑦᓱᓂᒋᑦ ᐊᑑᑎᑦᓱᓂᒋᓪᓗ ᐅᖃᒻᒪᕆᐅᑎᒥᒃ ᐊᑑᑎᔭᖃᕐᓯᒪᑦᓱᓂ (ᐅᖃᒻᒪᕆᑦᓱᓂ ᓱᓕᔪᓂᒃ ᓴᒃᓗᖏᑦᑐᓂᒃ ᐅᖄᓚᖓᓂᕋᕈᑎᒥᒃ ᐊᑐᕐᓱᓂ) ᐅᕝᕙᓘᓐᓃᑦ ᐅᖃᒻᒪᕆᓐᓂᖃᕐᓱᓂ ᐃᕐᖃᑐᐃᕕᒻᒥᓗᓐᓃᑦ ᐊᓯ ᐊᒍᓪᓗᓃᑦ ᐱᖁᔭᑎᒎᕐᑐᓄᑦ ᐱᓇᓱᑦᑕᐅᓂᕐᒥ. ᓱᓕᖕᖏᑐᓂᒃ ᐅᖃᐅᓯᓕᕕᓂᖅ ᓱᒋ ᐊᕐᑕᐅᒍᑎᑕᕈᓐᓇᖁᖅ ᐊᕐᕌᒍᓂ 14-ᓂ ᑎᒍᔭᐅᒪᒍᑎᑖᕐᑕᐅᓗᓂ ᑖᒃᑯ ᐊ ᐅᓄᕐᓃᑦ ᐅᓄᕐᓂᐸᕆᒍᓐᓇᑕᖏᑦ ᓴᒃᓗᕿᑦᓯᓂᑯᕕᓂᕐᒧᑦ ᓱᒋ ᐊᕐᑕᐅᒍᑎᐅᑦᓱᑎᒃ. ᑕᒪᓐᓇ ᓴᒃᓗᕿᑦᓯᓂᖅ ᓱᓕᖕᖏᑐᓂᒃ ᐅᖃᐅᓯᖃᕐᓂᖅ ᐃᕐᖃᑐᐃᕕᐅᑉ ᐱᔪᓐᓇᐅᑎᖏᓐᓂᒃ ᓱᓕᔪᕐᓴᖏᓐᓂᐅᒪᑦ ᐱᖁᔭᑎᒍᑦ ᐱᓂ ᐊᕐᓂᓂᒃ ᓱᓇᐅᑦᓴᖏᓐᓂᐅᓱᓂᓗ. ᐆᑦᑐᑎᒋᓗᒍ, ᓱᓕᖕᖏᑐᓂᒃ ᐅᖄᓂᖅ ᐃᓱᐃᓪᓖᓂᖃᕈᓐᓇᒪᑦ ᐃᕐᖃᑐᕐᑕᐅᔫᑉ ᖃᓄᐃᓕᔭᐅᓂᕆᒐᔭᕐᑕᖓᓂᒃ, ᐃᕐᖃᑐᐃᕕᒻᒥᓗ ᑐᑭᑕᖑᒋ ᐊᓕᓐᓂᒃ ᖃᓄᐃᓖᓂᐅᓗᓂ, ᐊᑑᑎᔭᐅᖕᖏᑐᑎᑦᓯᓗᓂᓗ ᐃᕐᖃᑐᐃᕕᐅᑉ ᐊᐅᓚᑦᓯᒍᑎᒋᒋ ᐊᓕᖏᓐᓂᒃ. ᐃᕐᖃᑐᐃᕖᑦ ᑕᒪᑐᒥᖓ ᐱᑦᓯ-ᐊᖏᓐᓂᒥᒃ ᐊᖏᔪ ᐊᓗᒻᒥᒃ ᐱᓂᕐᓗᕈᑎᐅᓂᕃᕗᑦ ᓴᐳᑦᔨᓯᒪᒋ ᐊᖃᕐᓂᒥᒍᑦ ᓱᓕᑦᓯ-ᐊᓂᒃᑯᑦ ᐱᓇᓱᒍᑎᒋᕙᑦᑕᖏᓐᓂᒃ ᐃᕐᖃᑐᐃᕖᑦ ᐊᑐᑎᔭᐅᑎᑦᓯᒋᒃᑯᑎᐅᑦᓱᑎᒃᓗ ᓴᒃᓗᕿᑦᓯᓂᕐᒥᒃ ᐱᓂ ᐊᕐᓂᓂᒃ. ᓴᒃᓗᑐᓂᒃ ᐅᖃᔪᕕᓂᐅᑉ ᓱᒋ ᐊᕐᑕᐅᒍᑎᖏᑕ ᐊᑯᓂᕆᒐᔭᕐᓂᖏᑦ ᑐᖕᖓᕕᖃᕐᑐᑦ ᐊᒥᓱᓂᒃ, ᐃᓚᐅᑎᓪᓗᒍ ᓴᒃᓗᓱᓂ ᖃᓄᑎᒋᒃ ᓱᓕᖕᖏᑐᓂᒃ ᐅᖃᐅᓯᖃᕐᓂᕕᓂᖏᑦ ᓱᓇᒧᓕᖓᓂᖏᓪᓗ ᓴᒃᓗᒍᑎᖏᑕ. ᖃᓄᓪᓗ ᐊᑎᒋᒃ ᑎᒍᔭᐅᒪᓂᑦᓴᖓᑕ ᑐᑭᑖᕐᑕᐅᓂᖓ, ᐃᕐᖃᑐᐃᕕᒻᒧᑦ ᐃᓱᒪᑦᓴᓯ ᐅᕈᑎᐅᒐᔭᕐᖁᖅ ᓴᒃᓗᓱᓂ ᖃᓄᑎᒋᒃ ᐃᓱᐃᑦᑐᒨᕆᓂᖃᓂᖓ, ᐃᕐᖃᑐᕐᑕᐅᔪᓅᓕᖓᑉᐸᓗ, ᐃᕐᖃᑐᐃᕕᒻᒨᓕᖓᑉᐸᓗ.
ᐅᐃᒍᖃᕋᔭᕐᒥᔪᑦ ᐱᓂᕐᓗᓂᒃᑯᑦ ᓱᒋ ᐊᕐᑕᐅᒍᑎᓂᒃ, ᐃᓄᒃ ᓴᒃᓗᓱᓂ ᐅᖄᔪᖅ ᐅᖃᒻᒪᕆᐅᑎᓂᒃ ᐊᑐᕐᓯᒪᑦᓱᓂ ᑕᒻᒪᓂᕐᒥᒃ ᐃᕐᖃᑐᐃᕕᒻᒥ ᐊᑐᑎᓂᕋᕐᑕᐅᒍᓐᓇᒥᔪᖅ. ᑖᒃᑯ ᐊ ᓴᑕᐅᒍᑎᖏᑕ ᐅᐃᒍᑖᖏᑦ ᑎᑭᐅᑎᒍᓐᓇᒥᔪᑦ ᐊᓯᖏᓐᓄᑦ ᓱᒋ ᐊᕐᑕᐅᒍᑎᓄᑦ, ᓲᕐᓗ ᐊᑭᓕᕋᑦᓴᑖᕐᑕᐅᒍᑎᑖᕐᓗᓂ ᐅᕝᕙᓘᓐᓃᑦ ᑎᒍᔭᐅᒪᕕᒻᒦᓂᖓ ᐊᑯᓂᕆᓂᕐᓴᕈᒋ ᐊᕐᑕᐅᓗᓂ.
ᓴᐳᔭᐅᒋ ᐊᕈᑎᓂᒃ ᐱᑕᖃᑐᐃᓐᓇᕆ ᐊᖃᕐᒥᔪᖅ ᐊᑭᓴᕐᑐᕆ ᐊᕈᑎᐅᓗᑎᒃ ᓴᒃᓗᕿᑦᓯᓂᕐᒥᒃ ᓵᑕᐅᒍᑎᑕᖑᔪᓂᒃ—ᓲᕐᓗ ᐃᓛᓂᐅᖕᖏᑐᖅ ᑕᒻᒪᑲᓪᓚᑐ ᕕᓂ-ᐅᓂᕐᒥᒃ, ᓴᒃᓗᒐᓱᓐᓂᖏᓐᓂᒥᒃ, ᐅᕝᕙᓘᓐᓃᑦ ᑐᑭᑕᕈᑎᑦᓴᓂᒃ ᐱᑕᖃᖕᖏᓗ ᐊᕐᓃᑦ. ᐱᑕᖃᓪᓚᕆᒋ ᐊᖃᕐᐳᖅ ᑐᑭᓯᓂ ᐊᕐᕕᖃᕐᓂᖅ ᐱᓇᓱᓕᓂᐅᓕᕐᑐᒥᒃ ᐱᓂᕐᓗᓯᒪᔪᓄᑦ ᐱᖁᔭᓕᕆᔨᐅᓂᕐᒥᒃ ᐊᑭᒪᔪᑦᑎᓯᒋ ᐊᕈᓐᓇᓯ ᐊᕐᑐᒥᒃ ᐱᖁᔭᑎᒍᑦ ᐊᔪᖀᒋ-ᐊᕈᑎᖃᕐᓗᓂᓗ ᑭᒡᒐᑐᕐᓗᓂᓗ.
ᐱᖁᔭᓕᕆᐅᑏᑦ ᐃᑲᔪᕐᓯᒍᑏᑦ ᓯᕗᓂᖃᕈᑎᐅᕗᑦ ᑐᑭᓯᒪᑎᑦᓯᓯ ᐊᕐᓂᒥᒃ ᓄᓇᕕᐅᑉ ᐃᓄᑐᐃᓐᓇᖏᓐᓂᒃ ᐃᕐᖃᑐᕕᑎᒍᑦ ᐱᓇᓱᑦᑕᐅᓂᖃᓲᓂᒃ ᐃᓘᓐᓈᒍᓪᓗ ᐊᕗᖓᐅᓕᔪᑎᒍᓪᓗ ᐱᓇᓱᑦᑕᐅᓂᖃᕐᓱᑎᒃ ᐱᖁᔦᑦ ᐊᑐᕐᑕᐅᔪᑦ ᑯᐯᒃᒥ ᐃᓚᖏᑎᒍᑦ ᐱᖁᔭᑎᒍᑦ ᐊᔪᖀᒋ-ᐊᕈᑎᑦᓴᔭᐅᖕᖏᒪᑕ ᐱᔭᐅᖑᓐᓇᓂᖃᕐᓱᑎᒃᓗ ᖃᐅᔨᒋ ᐊᕐᕕᒋᓗᒋᑦ ᐃᒻᒥᒎᕐᓱᑎᒃ ᐱᖁᔭᓕᕆᓂᕐᒥᒃ ᐱᓇᓱᒐᖃᓲᑦ (ᐱᖁᔭᓕᕆᔨᓗᓐᓃᑦ ᐱᖁᔭᑎᒎᕐᑐᓂᒃᓗᓃᑦ ᓱᓕᓕᕐᑎᓯᔨ).
