ᒪᑭᕝᕕᒃᑯᑦ ᖃᐅᔨᑎᑕᐅᓐᓂᒪᑕ ᓄᓇᒃᑰᔫᓂᒃ ᓂᐅᕐᕈᓯᕐᑏᑦ ᐊᒻᒪᓗ ᐅᒥᐊᕐᔪᐊᓕᕆᔩᑦ NEAS-ᑯᑦ ᖃᕆᑕᐅᔭᒃᑯᑦ ᑕᑯᑦᓴᐅᑎᑦᓯᕕᖏᓐᓂᒃ ᐊᑦᔨᓗᑐᖏᓐᓂᒃ ᓴᕐᕿᑎᑦᓯᓯᒪᔪᖃᕐᒪᑦ ᑖᒃᑯᐊᖑᖕᖑᐊᑐᓂᒃ ᐊᑐᕐᑕᐅᖃᑦᑕᓂᖏᓐᓂᓗ ᐃᓄᓐᓂᒃ ᐅᐃᕖᕐᕆᓯᒍᑎᐅᑦᓱᑎᒃ. ᐅᒥᐊᕐᔪᐊᓕᕆᔩᑦ NEAS-ᑯᑦ ᑕᒪᑦᓱᒥᖓ ᐳᓖᓯᒃᑯᓄᑦ RCMP-ᑯᓐᓄᑦ ᐅᖃᕈᑎᖃᕐᓯᒪᔪᑦ, ᐊᒻᒪᓗ ᓇᕆᒍᐳ-ᑯᑦ ᖃᕆᑕᐅᔭᓕᕆᒍᑎᓄᑦ ᐋᕐᕿᓱᕐᓯᒪᒍᑎᖏᑦ ᐃᑖᕐᑕᐅᓂᖕᖏᑐᑦ. ᑌᒣᓘᕐᓱᑎᒃ ᖃᕆᑕᐅᔭᑎᒍᑦ ᐱᖁᔭᒥᒃ ᓯᖁᒥᑦᓯᔪᑦ ᖃᐅᔨᒪᔭᐅᒍᑎᓕᒃ ᑌᔭᐅᑦᓱᓂ SPOOFING-ᒥᒃ. ᐅᐃᕖᕐᕆᓂᐊᕐᑏᑦ ᐅᐃᕖᕐᕆᔭᒥᓂᒃ ᓱᓕᒐᑎᒃ ᐱᓇᓱᐊᕐᕕᖃᓲᑦ ᓱᓕᔪᕆᑦᓯᑎᑦᓱᒋᓗ ᐅᑉᐱᕈᓱᓕᕐᑎᓱᒋᑦ 9ᖃᕆᑕᐅᔦᑦ ᐱᑐᖃᑎᒌᑦᓯᒪᕕᖏᓐᓂ ᑕᑯᑦᓴᐅᑎᑦᓯᕕᖏᓐᓂᒃ ᐊᑦᔨᓗᑐᖏᓐᓂᒃ ᓴᓇᑦᓱᑎᒃ0 ᑖᒃᑯᐊᓗ ᓱᓕᓪᓗᑐᕐᑐᓄᑦ ᑭᓇᑐᐃᓐᓇᑯᓐᓄᑦ ᑐᓴᐅᒪᔭᐅᑎᖃᑦᑕᓱᒋᑦ ᐃᓄᓐᓄᑦ, ᖄᖏᕐᓂᑯᓕᐅᕐᑎᓄᑦ, ᑎᒥᐅᔪᓄᓪᓘᓃᑦ. ᓯᕗᓂᖓᒍᑦ ᖃᐅᔨᒐᓱᐊᕐᓯᒪᖕᖏᓗᒋᑦ ᑮᓇᐅᔭᒥᒃ ᖃᕆᑕᐅᔭᑎᒍᑦ ᐊᐅᓪᓚᑎᑦᓯᕕᖃᕐᑌᓕᒋᑦ ᐅᕝᕙᓘᓐᓃᑦ ᑮᓇᐅᔭᒃᑯᕕᑉᐱᑦ ᑭᓯᑦᓯᒍᑎᖏᓐᓂᒃ ᐁᑦᑐᕈᓐᓀᓗᒋᑦ:
(ᐃᒻᒥᓂ ᓴᐳᑎᓯᒪᒋᑦ ᐅᐃᕖᕐᕆᓂᐊᕐᑐᓂᑦ ᐅᐃᕖᕐᕆᔭᐅᓂᕐᒥᓗ).
